2 نوفمبر، 2023 4:20 مساءً

شاهد بالفيديو.. مرتضى منصور يتحدى الخطيب: “لو بوبو انتقل للأهلي سأرحل عن الزمالك”

مرتضى منصور

تحدى المستشار مرتضى منصور رئيس نادي الزمالك، محمود الخطيب رئيس الأهلي بشأن صفقة محمد رضا بوبو لاعب فيوتشر.

وقال مرتضى منصور في فيديو تم بثه عبر قناة (الزمالك): “جمهور الزمالك رقم واحد انا ممكن امشي واللعيبة والجهاز الفني يمشي، وشوفنا طارق حامد مشي والمعادلة الوحيدة الثابتة هو جمهور الزمالك”.

وأضاف: “نجحنا نوحد الجمهور كله من دون مسميات، واحد يقولي فين بوبو حضرتك تكلمني انا كده ازاي؟، مش بتقولوا بوبو راح الأهلي، لو راح هسيب الزمالك، كل الهري اللي بيعمه اخويا حنفي انا عارفه”.

وتابع مرتضى: “مش بيراميدز جدد لإبراهيم عادل 4 سنين، لافي بوبو ولا احمد عاطف ولا إبراهيم عادل، انا في المطابخ وعارف مين رايح وجاي”.

وأضاف: “واحد يقولي مين مروان عطيه ده لاعب الاتحاد السكندري اهو راح المنتخب، ممكن مع احترامي للجمهور انت لك النتيجة، والنتيجة هي بطولات دوري وكاس وسوبر، انت متعرفش انا جايب مين”.

وشدد مرتضى: “ممكن مع احترامي للجمهور انت لك عندي بطولات، ملكش تتدخل لان جمهور الزمالك بالملايين لو اخدنا برايهم المركب هتغرق”.

وأوضح: “بيقولوا شتم أمهات الزملكاوية اديني مبرر ان اشتمهم، وقولتهم وحياة امك هي دي شتيمه؟ وبعدين ازاي هقول امك للجماهير مش هم جمع، جمهور الزمالك واعي جدا”.

وأضاف: “هو اللي عنده مشاكل وما خدش بطولات، وأنا جبت لك البطولات ورجعتلك الكرامة والهيبة للنادي، ما تصبر الخريطة اتغيرت كنا هنتعاقد مع11 ولما فيريرا طلع الشباب العدد اكيد قل مش هجيب لاعب علشان يقعد واحد زي حسام عبدالمجيد”.

وواصل: “تعاقدنا مع زكريا الوردي قد طارق حامد100 مره وفي نفس الوقت ساسي، وإبراهيما نداي هجام انت بتلكك ولا شعرة في راسي بتتهز، جمهور الزمالك بالملايين فوق دماغي لما حد بيقل ادبه برد عليه على الهوا”.

واردف مرتضى: “واحد يقولي ازاي قاعد جانب ميدو عاوزني ازقه، ميدو بيدعم في الكيان والجهاز الفني وقاعد جانبي أقوله أقوم اذا كان الد خصومي قولتلهم تعالوا ورجعت العضويات المشطوبة”.

واستطرد: “مش عاوز مرتضى علشان اخد كل البطولات واحتكر كاس مصر وبطولتين في شهر، يبقى انت مش زملكاوي انت مرتشاوي وبتساعدوا حنفي، اللي عنده خراب وماخدش ولا بطوله وبياخذ قروض، وانا عندي ربع مليار وبجيب أحسن لعيبة في كل الألعاب هو جمهوره ولجانه وراه وأنا جمهوري بيهاجمني أنا”.

واختتم: “البطولة الوحيدة اللي لسه بطولة افريقيا لما عملوا المؤامرة عليا علشان مخدهاش، امير شغال 24 ساعه صفقات كل اللعيبة الجامدة هيجيبها”.

Share on vk
Share on pinterest
Share on reddit
Share on linkedin
Share on telegram
Share on email
Share on whatsapp
Share on twitter
Share on facebook

زوارنا يتصفحون الآن